التلفزيووووووووووون و الراديوووووووووووووووووو زماااااااااااااااااان

محمدحجازى الثلاثاء مارس 17, 2009 7:11 pm

زماااااااااااان و انا صغير ... كنت بسمع الاذاعة
الصبح بدرى واحنا بنتجهز عشان نروح المدرسة

أبى كان اول ما يصحى الصبح ع الساعة ستة سبعة
يشغل اذاعة القرآن الكريم على صوت قرآن
بصوت الشيخ محمد رفعت
أبى يعشق سماع القرآن بصوت الشيخ رفعت الجميل الملائكى

و بعد ذلك تأتى أمى كى توقظنا و ونغسل وجوهنا و نتوضأ ونصلى بينما هى تجهز الفطور
ويكون الفطار كورن فليكس او فول او قشطة او كوباية حليب و بسكويت او طبق بيض مقلى ... كل مرة الفطار يختلف ... عادى
لكن المؤكد اننا كنا بناكل الفطار مع ابى وامى واخوتى ونحن نستمع الاذاعة
كانت امى تغير موجة الاذاعة على البرنامج العام تقريبا
و نحن نجلس على مائدة الافطار كان صوت أم كلثوم يدوى فى ارجاء البيت :

يا صباح الخير ♫ ياللى معانا ♪

ياللى معانا ♪

الكروان غنى وصحانا ♫

و صحانا ♫ ♪ !

يا صباح الخير ياللى معانا

يالللللىىىىىىىى♪ معاااااا♪ااااا♪ااانا

الكروان غنى وصحانا ♪ !!!

الاغنية دى من كتر ما سمعتها ! حفظتها ! كبداية يوم مشرق جميل

بعد كده متذكر شوية حاجات بس مش فاكر ترتيبها

مثلا افتكر وانا بجهز ( الجدول ) بتاع المدرسة
( و بشوف انهى كتاب نماذج احطه و انهى كتاب ( وورك بوك ) اسيبه )
كنا بنسمع برنامج طريق السلامة و كان التتر بتاعه اغنية لـ ( صباح ) تقريبا
وكانت بتغنى بتقول :
ثم يدوى صوت المذيع او المذيع قائلا فى قوة : طرييييييييييق السلامة
اعداد فلان الفلانى تقديم : فلانة اخراج فلان العلانى

فى برضه برنامج ابلة فضيلة ... طفل مثقف بقى وكده
والتتر بتاعه الشهير بصوت الطفل المعجزة احمد فرحات :
( يا ولاد يا ولاد

دودودودو

تعالوا تعالوا

دودودودو

علشان نسمع ابلة فضيلة

و حتحكيلنا حكاية جميلة

وتخلينا و تسمعنا و تغنيلنا

اغنية جميلة
.... ابلة !
ابلة فاااااااااضييييييييييلة !
( واااااك واااك

واااك واك واااااك واااك واك !! )

دى اصوات نهاية التتر
وبعد كده تيجى ابلة فضيلة وتحكى قصة جامدة جدا
و بعد ما نسمع القصة
( اللى لغاية دلوقت لو سمعتها تشدك ليها ) مهما كنت كبير !!!
ادمان بقى !!
( وفى ساعات كانت بتكمل القصة بكره )
المهم !! بعد ما تخلص ابلة فضيلة القصة تقول بصوتها الرقيق والموسيقى تبدأ فى العزف ايذانا بالانصراف :

( حبايبى الحلوين !!
بكرة ان شاء الله !! وفى نفس الميعاد !!

اللى حييجى فينا هيفرح بالغنوة ويتسلى بالحدوتة !!! )

و بعد كده كان بييجى برنامج أمى بتحب تسمعه جدا و مقدمته صفية المهندس
برنامج :
إلى ربااااااااااااااااات البيوت

وبعد كده ييجى برنامج :
( كلمتين وبس )

من كتابة أحمد بهجت - حفظه الله -
و قراءة - الله يرحمه - فؤاد المهندس
انا فاكر كلمة فؤاد المهندس
ولهجته وهو بيقول فى تتر البرنامج :
كلمتيييييييييييـــــــــــــــييييين و بس !

وبعد كده ييجى برنامج بمقدمة اسبانيولى وعزف مقطوعة الفلامنكو على الجيتار قبل ان يدوى صوت رقيق يقول :
همسة عتاااااااااااااب !!!!!!!!

ده غير طبعا بعض الاغانى الشهيرة اللى كنا بنسمعها من الاذاعة كل فترة والتانية
زى مثلا اغنية :
يلا حالا بالا بالا
هنوا ابو الفصاد
( الفصاد مش الفساد الله يكرمك !! )

او اوبريت ظريف كده كان لذيذ ويقولوا فيه :
دووووووووووووق دوووووووووق
دوق الدندورمة !
دندورمة جميلة عمايل الايدين
الدندورمة
دوق دوق !!

و فى بقى المسلسلات يا سلااااااااام
كان مسلسل الف ليلة وليلة كان له طعم خارق

مالكش ذكريات شبيهة مع الاذاعة او التلفزيون
بس اوعى تقولى كابتن ماجد ........ !!!!!!!!!!