مبروك .... المدام حامل !
صفحة 1 من اصل 1
مبروك .... المدام حامل !
محمدحجازى الثلاثاء مارس 17, 2009 7:04 pm
[size=16][size=24] [size=16]تصوروا الواحد بيكبر وهو مش داري ؟!!
19 سنة .. هي عدد السنوات اللي قضيتها على كوكب الأرض .. والمفترض دلوقت ، أنى تجاوزت مرحلة المراهقة – اللى بتنتهي في المعتاد عند 21 – ودخلت في المرحلة اللي بعدها ..
قوام قوام كده .. خلصنا الطفولة والمراهقة ودخلنا ع اللى بعده .. اللي هايجيله وقت وينتهي بدوره ، وأبدأ مرحلة جديدة بعده .. وهكذا إلى أن أهوى من حالق كجلمود صخر حطه السيل من علٍ ، أو كراااااااااااش .. حادثة عربية ، أو بوووووووووووم .. انفجار قنبلة ، أو – ببساطة – تبقى النهاية سرايري عادية هادئة .. كله فى علم الغيب ..
طيب .. فلفترض دلوقت أن الواحد الله مد له في عمره شوية ، بما يسمح له أنه يقطع شوط كبير في الحياة ، ويقضي شوية سنين زيادة على كوكب الأرض الغلبان بتاعنا ده .. أظن ساعتها يبقى من الطبيعي أوي أنه حاجته إلى أنيس – مش أنيس منصور ياعم الظريف – يملى عليه وحدته ، هاتعلن عن مجدها .. يعني وخاصة في مرحلة العشرينيات .. طبيعي أظن ، وماحدش عنده اعتراض على ده ..
حلو أوي .. يعني دلوقت سعادتك شاب سنك معقولة .. بتلعب في ال24 والا ال 25 ، ويمكن بتشاور عقلك مع ال 27 .. أكيد هاتبقى فكرة الزواج معششة في نخاشيش سعادتك لأسباب متنوعة .. وإن كان في سبب معين كده بيدفع الكثيرين أنهم يتجوزوا .. وللأسف برضه بيكون هو السبب الوحيد ، أو خلينا مانقولش السبب الوحيد .. خليها الدافع الرئيسي .. اللي هو – كالعادة – الغريزة – اللى ما تتسمى – الجنسية ..
حقك برضه .. ينقطع لسانى لو قلتلك غلطان ياعم ..
أكيد برضه بتفكر في الخلفة .. وده لسببين مهمين جدا بالنسبة لك .. أول واحد أنك تجيب عيال يشيلوا اسم العيلة – كأنه الهرم الرابع – ويملوا البيت حواليك .. والسبب التانى هو أنك تنجح في اختبار القدرات الشهير ، أنك راجل وشنباتك يقف عليها الصقر .. ويريّح !B)
ربما كمان – وخاصة للحصول على درجات إضافية فى اختبار القدرات – تبدأ في التخنيق على "المودان" .. تعملي كذا وماتعمليش كذا .. مانتيش رايحة لأمك غير أما مصر تنظم بطولة كاس العالم للبقرات .. وتطلق الجملة الشهيرة الخالدة كل ما تحاول انها تعترض .. " أنا رااااجل .. وعمر كلمتى ماتنزل الأرض أبدااااا "
..
أظن برضه حقك ده كمان.. خلفة وعيال واسم عيلة وشنبات بصقور وكلمة مابتنزلش الأرض .. عيش ياعم عادي .. حد قالك لا ..؟
بس مش عارف يعني ................... ليا رأي مختلف شوية كده عنك .. تسمحلي أقوله ... لأ ؟ .. خلاص هاقوله أهو .. بتقول لأ ماتقولش.. ؟ .. طيب ياعم ماتنفعلش هاقول أهو .....
شوف يا سيدي ....
خلينا كده نرتب أفكارنا .. عشان مانتوهش .. تعالى حط معايا تصورك العام عن حياة سعادتك الزوجية عاملة ازاى .. ونشوف بعدها ايه الكلام .... كابيش ؟
1 – أول واحدة .. التشرد الأطفالي ..... يوووووووووووووه لا – منه لله اللمبي – أول حاجة الغريزة .. اللى ايه .. أيوه .. اللى ماتتسمى .. الجنسية ..
2 – الحفاظ على اسم العائلة من الاندثار .. زي ما حصل للديناصورات كده ..( تلاقيك فاكر أنك لو ماحدش ورث اسم العيلة ممكن تبقى من الكائنات المنقرضة) ؟!
3 – تجاوز امتحان القدرات بنجاح .. عن طريق الانجاب .. وثانيا على طريقة عبد الفتاح القصري " أنا رااااجل .. وعمر كلمتى ماتنزل الأرض أبدا " ..
ها .. لسة فى حاجة كمان في نفسك ؟ .. مافيش .... طيب ..
شوف بقى يا معلم ..
أولا .. اسمح لى أنى أقولك أن الحاجات اللى اتكلمت عنها دي ماتسمحش بتكوين أسرة .. هو أه عدد الأفراد اللى ساكنين معاك هايزيدوا وكل حاجة ، وعيلتك مش هاتنقرض ماتقلقش .. بس اسمح لى .. انا مش شايف "أسرة" في البيت .. انا شايف ناس عايشة مع بعض .. فيهم صغيرين
بيقولوك بابا ، وبيقولوا للى معاك فى البيت ماما ..
وقبل ما تتعصب وتقولي لا انا ولادى مش عارف ايه وانا باسوي ايه .. اهدى كده واسمعني ..
لما تتجوز واحدة على أساس غريزتك اياها دى .. تفتكر تفكيرك فيها هايبقى ازاى ..؟
هاتخاف على مشاعرها مثلا ..؟ هاتلبي طلباتها منك ..؟ هاتناقشها فى قراراتكم ..؟ هاتسمح لها بإيه وهاتمنعها عن إيه ..؟ وعلى أي أساس هاتمنعها أو هاتسمح لها ..؟
طبعا هاتقولي مشاعر مين وطلبات مين .. دانا راااجل وعمر كلمتى .... الخ الخ ..
ماشي حلو .... يعني مافيش اعتبارات أو رغبات أو طلبات مجابة غير أوامر سعادتك تقصد ..؟ .... أيوه طبعا ؟ ده رأيك ؟؟ .. ماشي ..
يعني دلوقت .. "المودان" اللى قاعدة مع سعادتك فى البيت .. تعتبر ما هي إلا وسيلة لإرضاء سيادتك فقط .. صح كده ؟ .. طيب ..
"المودان" دي طبعا اللى هي زوجتك .. اللى هي ربنا أخذ منكم "ميثاقا غليظا " .. هي هي نفس اللى أوصاك أن تحافظ عليها وتبقى مسئولة منك .. هي هي برضه اللى المفروض انت تنزل تتعب وتشتغل وهى قاعدة في بيتها واللى عاوزاه يجيلها لحد عندها .. هي هي برضه اللي بتغسل هدوم سعادتك وتكويهم وتظبطهم .. هي هي برضه اللى بتلبي رغباتك – اللى انت اتجوزتها من الأول عشانها – .. هي هي .. هي هي ..............
مش هي برضه اللى لما بترجع من الشغل ، وتقولك اتأخرت ليه – من قلقها - .. بتقوم مطلق صيحة طرزانية جبارة .. وتزعق فيها بكلام على غرار " كنت ماطرح ماكنت .. انا حر .. انا رااااااجل وعمر كلمتى ... الخ الخ "
لا تصدق راجل بجد .. !!
ايه مالك بتبص لي كده ليه ؟ .. وبعدين قايم ورايح فين .. لسة ماكملتش كلامى ....
بعد ما سعادتك تخلف بقى ..
ولادك طبعا هايشوفوا طريقة معاملتك لأمهم – اللى هي "المودان" في نفس الوقت .. تخيل - .. تفتكر ساعتها هايبقوا مبسوطين ومزقططين ؟
طيب .. بلاش دي .. انت فكرت هاتربي ولادك ازاى ..؟
أيوه أيوه .. هاتقولي على القيم والأخلاق ، وهاترزعني بيتين شعر جامدين في الحوار ده .. وكل ده جميل في حد ذاته .. بس برضه ماقلتليش ازاى ..؟
بيتهيألى أنك هاتخليهم يعملوا الصح – اللى انت شايفه – ويبعدوا عن الغلط – اللى انت شايفه برضه - .. ماشي جميل .. يعني هاتقول لولادك انت ياد اعمل كذا .. قوم يالا ذاكر وإلا هاذبحنك ذبح البعير ..
طيب هاتفهمهم يعني ايه كذب ؟ .. يعني ايه حق .. ازاى الأخلاق .. ازاى يتعاملوا مع الناس كويس ؟
طب هاتعلمهم ازاى لما يكبروا يفرقوا بين الصح والغلط .. وازاى يختاروا الصح من وسط الغلط ؟
هاتعلمهم يفكروا .. ويعترضوا .. ويقبلوا .. ويختاروا ....؟
طبعا هاتقولي انك "هاتعملهم" كل حاجة و"هاتختار لهم" الأحسن و"هاتحفظهم" الأخلاق والصح والغلط ... الخ ..
طيب .. لو انت بعدت عنهم أو هم بعدوا عنك .. يا ترى هايعرفوا يتصرفوا من نفسهم ؟
تصدق راجل بجد .. !!
...................
شوف يا بني .. بما أنك هاتقعد ساكت كده كتير على ما يبدو ....
اقعد كده فكر فى كلامى شوية .. هاته يمين فى شمال في فوق على تحت .. قلبه فى دماغك ..
وصدقني .. أنا على قد نفسي أسمع الجملة دي .. على قد مانا خايف منها وعامل حسابها .. نفسي أحسها بجد .. واستاهلها .. لأنها جملة رائعة بجد .. بس محتاجة كتير عشان تستحق الوصف ده ..
عارف جملة ايه ....؟
" مبروك .... المدام حامــل !"
[/size][/size]
19 سنة .. هي عدد السنوات اللي قضيتها على كوكب الأرض .. والمفترض دلوقت ، أنى تجاوزت مرحلة المراهقة – اللى بتنتهي في المعتاد عند 21 – ودخلت في المرحلة اللي بعدها ..
قوام قوام كده .. خلصنا الطفولة والمراهقة ودخلنا ع اللى بعده .. اللي هايجيله وقت وينتهي بدوره ، وأبدأ مرحلة جديدة بعده .. وهكذا إلى أن أهوى من حالق كجلمود صخر حطه السيل من علٍ ، أو كراااااااااااش .. حادثة عربية ، أو بوووووووووووم .. انفجار قنبلة ، أو – ببساطة – تبقى النهاية سرايري عادية هادئة .. كله فى علم الغيب ..
طيب .. فلفترض دلوقت أن الواحد الله مد له في عمره شوية ، بما يسمح له أنه يقطع شوط كبير في الحياة ، ويقضي شوية سنين زيادة على كوكب الأرض الغلبان بتاعنا ده .. أظن ساعتها يبقى من الطبيعي أوي أنه حاجته إلى أنيس – مش أنيس منصور ياعم الظريف – يملى عليه وحدته ، هاتعلن عن مجدها .. يعني وخاصة في مرحلة العشرينيات .. طبيعي أظن ، وماحدش عنده اعتراض على ده ..
حلو أوي .. يعني دلوقت سعادتك شاب سنك معقولة .. بتلعب في ال24 والا ال 25 ، ويمكن بتشاور عقلك مع ال 27 .. أكيد هاتبقى فكرة الزواج معششة في نخاشيش سعادتك لأسباب متنوعة .. وإن كان في سبب معين كده بيدفع الكثيرين أنهم يتجوزوا .. وللأسف برضه بيكون هو السبب الوحيد ، أو خلينا مانقولش السبب الوحيد .. خليها الدافع الرئيسي .. اللي هو – كالعادة – الغريزة – اللى ما تتسمى – الجنسية ..
حقك برضه .. ينقطع لسانى لو قلتلك غلطان ياعم ..
أكيد برضه بتفكر في الخلفة .. وده لسببين مهمين جدا بالنسبة لك .. أول واحد أنك تجيب عيال يشيلوا اسم العيلة – كأنه الهرم الرابع – ويملوا البيت حواليك .. والسبب التانى هو أنك تنجح في اختبار القدرات الشهير ، أنك راجل وشنباتك يقف عليها الصقر .. ويريّح !B)
ربما كمان – وخاصة للحصول على درجات إضافية فى اختبار القدرات – تبدأ في التخنيق على "المودان" .. تعملي كذا وماتعمليش كذا .. مانتيش رايحة لأمك غير أما مصر تنظم بطولة كاس العالم للبقرات .. وتطلق الجملة الشهيرة الخالدة كل ما تحاول انها تعترض .. " أنا رااااجل .. وعمر كلمتى ماتنزل الأرض أبدااااا "
..أظن برضه حقك ده كمان.. خلفة وعيال واسم عيلة وشنبات بصقور وكلمة مابتنزلش الأرض .. عيش ياعم عادي .. حد قالك لا ..؟
بس مش عارف يعني ................... ليا رأي مختلف شوية كده عنك .. تسمحلي أقوله ... لأ ؟ .. خلاص هاقوله أهو .. بتقول لأ ماتقولش.. ؟ .. طيب ياعم ماتنفعلش هاقول أهو .....
شوف يا سيدي ....
خلينا كده نرتب أفكارنا .. عشان مانتوهش .. تعالى حط معايا تصورك العام عن حياة سعادتك الزوجية عاملة ازاى .. ونشوف بعدها ايه الكلام .... كابيش ؟
1 – أول واحدة .. التشرد الأطفالي ..... يوووووووووووووه لا – منه لله اللمبي – أول حاجة الغريزة .. اللى ايه .. أيوه .. اللى ماتتسمى .. الجنسية ..
2 – الحفاظ على اسم العائلة من الاندثار .. زي ما حصل للديناصورات كده ..( تلاقيك فاكر أنك لو ماحدش ورث اسم العيلة ممكن تبقى من الكائنات المنقرضة) ؟!
3 – تجاوز امتحان القدرات بنجاح .. عن طريق الانجاب .. وثانيا على طريقة عبد الفتاح القصري " أنا رااااجل .. وعمر كلمتى ماتنزل الأرض أبدا " ..
ها .. لسة فى حاجة كمان في نفسك ؟ .. مافيش .... طيب ..
شوف بقى يا معلم ..
أولا .. اسمح لى أنى أقولك أن الحاجات اللى اتكلمت عنها دي ماتسمحش بتكوين أسرة .. هو أه عدد الأفراد اللى ساكنين معاك هايزيدوا وكل حاجة ، وعيلتك مش هاتنقرض ماتقلقش .. بس اسمح لى .. انا مش شايف "أسرة" في البيت .. انا شايف ناس عايشة مع بعض .. فيهم صغيرين
بيقولوك بابا ، وبيقولوا للى معاك فى البيت ماما .. وقبل ما تتعصب وتقولي لا انا ولادى مش عارف ايه وانا باسوي ايه .. اهدى كده واسمعني ..
لما تتجوز واحدة على أساس غريزتك اياها دى .. تفتكر تفكيرك فيها هايبقى ازاى ..؟
هاتخاف على مشاعرها مثلا ..؟ هاتلبي طلباتها منك ..؟ هاتناقشها فى قراراتكم ..؟ هاتسمح لها بإيه وهاتمنعها عن إيه ..؟ وعلى أي أساس هاتمنعها أو هاتسمح لها ..؟
طبعا هاتقولي مشاعر مين وطلبات مين .. دانا راااجل وعمر كلمتى .... الخ الخ ..
ماشي حلو .... يعني مافيش اعتبارات أو رغبات أو طلبات مجابة غير أوامر سعادتك تقصد ..؟ .... أيوه طبعا ؟ ده رأيك ؟؟ .. ماشي ..
يعني دلوقت .. "المودان" اللى قاعدة مع سعادتك فى البيت .. تعتبر ما هي إلا وسيلة لإرضاء سيادتك فقط .. صح كده ؟ .. طيب ..
"المودان" دي طبعا اللى هي زوجتك .. اللى هي ربنا أخذ منكم "ميثاقا غليظا " .. هي هي نفس اللى أوصاك أن تحافظ عليها وتبقى مسئولة منك .. هي هي برضه اللى المفروض انت تنزل تتعب وتشتغل وهى قاعدة في بيتها واللى عاوزاه يجيلها لحد عندها .. هي هي برضه اللي بتغسل هدوم سعادتك وتكويهم وتظبطهم .. هي هي برضه اللى بتلبي رغباتك – اللى انت اتجوزتها من الأول عشانها – .. هي هي .. هي هي ..............
مش هي برضه اللى لما بترجع من الشغل ، وتقولك اتأخرت ليه – من قلقها - .. بتقوم مطلق صيحة طرزانية جبارة .. وتزعق فيها بكلام على غرار " كنت ماطرح ماكنت .. انا حر .. انا رااااااجل وعمر كلمتى ... الخ الخ "
لا تصدق راجل بجد .. !!
ايه مالك بتبص لي كده ليه ؟ .. وبعدين قايم ورايح فين .. لسة ماكملتش كلامى ....
بعد ما سعادتك تخلف بقى ..
ولادك طبعا هايشوفوا طريقة معاملتك لأمهم – اللى هي "المودان" في نفس الوقت .. تخيل - .. تفتكر ساعتها هايبقوا مبسوطين ومزقططين ؟
طيب .. بلاش دي .. انت فكرت هاتربي ولادك ازاى ..؟
أيوه أيوه .. هاتقولي على القيم والأخلاق ، وهاترزعني بيتين شعر جامدين في الحوار ده .. وكل ده جميل في حد ذاته .. بس برضه ماقلتليش ازاى ..؟
بيتهيألى أنك هاتخليهم يعملوا الصح – اللى انت شايفه – ويبعدوا عن الغلط – اللى انت شايفه برضه - .. ماشي جميل .. يعني هاتقول لولادك انت ياد اعمل كذا .. قوم يالا ذاكر وإلا هاذبحنك ذبح البعير ..
طيب هاتفهمهم يعني ايه كذب ؟ .. يعني ايه حق .. ازاى الأخلاق .. ازاى يتعاملوا مع الناس كويس ؟
طب هاتعلمهم ازاى لما يكبروا يفرقوا بين الصح والغلط .. وازاى يختاروا الصح من وسط الغلط ؟
هاتعلمهم يفكروا .. ويعترضوا .. ويقبلوا .. ويختاروا ....؟
طبعا هاتقولي انك "هاتعملهم" كل حاجة و"هاتختار لهم" الأحسن و"هاتحفظهم" الأخلاق والصح والغلط ... الخ ..
طيب .. لو انت بعدت عنهم أو هم بعدوا عنك .. يا ترى هايعرفوا يتصرفوا من نفسهم ؟
تصدق راجل بجد .. !!
...................
شوف يا بني .. بما أنك هاتقعد ساكت كده كتير على ما يبدو ....
اقعد كده فكر فى كلامى شوية .. هاته يمين فى شمال في فوق على تحت .. قلبه فى دماغك ..
وصدقني .. أنا على قد نفسي أسمع الجملة دي .. على قد مانا خايف منها وعامل حسابها .. نفسي أحسها بجد .. واستاهلها .. لأنها جملة رائعة بجد .. بس محتاجة كتير عشان تستحق الوصف ده ..
عارف جملة ايه ....؟
" مبروك .... المدام حامــل !"
[/size][/size]
محمدحجازى- مشرف
- عدد المساهمات : 336
تاريخ التسجيل : 13/12/2008
العمر : 34
الموقع : www.hegazynet.yoo7.com -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى