مش ليه حق احرق نفسى بجاز

محمدحجازى الثلاثاء مارس 17, 2009 6:33 pm

[size=29]جماعة .. انا لسة جاي من برة دلوقتى ولحظت حاجة فى الشارع مهمة جدا ايييييييييييييييييييية هى ؟؟ ان احنا بنتعامل معاملة خدامين ومواطنين درجة تانية هنا وبرة ( بلدنا ) شفتوا الجمال
هدونى كدة طيب وقولولى اشرب لمون اشرب زفت وهدى اعصابك اى حاجة احنا مش اصحاب
هقلكوا اللى حصل

اتنيلت انهاردة رحت انا واصحابى السنيما
رحنا لقينا ولد وصحبيتوا زى القمر ونضاف كدة ومستحمين .... مش من هنا طبعا اجانب ..رايحين يقطعو تذاكر سنيما.... بينيلو اية فى السنيما مش عارف هيفهموا حاجة لا اهى غتاتة وخلاص
المهم مربط الفرس بقى مش انهم دخلة سنيما وبيزنئو علينا وسلام لالالالا المشكلة كانت فى ( الشاطر حسن امير كفر ابو سعدان ) اللى كان بيتئندل يقطع التذاكر
قابل الاتنين الاجانب بوش بشوش وقمر زى مايكون قرايبه من بعيد وعمال يقولهم
يا ولكم يا ولكم .. بيكون ان كايرو ..اى ام سو بريفت .. ويز يون .. كان اى هلب يون
( ختو بالكم من ( يون) ثقافة بقى واخد الاعدادية من دار النشر
المهم...
قطعلهم تذكريتين ب75 وهى اساسا التذاكر ب 25 اتحينت طبعا من الاجانب والخوجات والخير والبركة يرجع (ل يون )

جيا بقى احنا نتقطع التذاكر ( قادر ياكريم تقطع حسه من الدنيا )
المهم قطعنا 5 تزاكر
صاحبى كريم قاللى
كريم: انت اخترت الاماكن قريبة اوى من الشاشة خليها بعيد
( رحت قلت للبنى ادم المرزوع)
انا : طب لو سمحت احنا هناخد اللى ورا دول
( راح قالى بكل سماجة ) والله انتو اخترتو بقى وانا مبغيرش
انا : لية
الراجل : اهو كدة مبغيرش
انا : اشمعنى يعنى
الراجل : اهو مبغيرش مزاجى
انا : مبتغيريش اية بظبط مش فاهم
كريم: "قاله بصوت واطى ومهذب" .. انت بتكلمنا كدة لية

الراجل : اهو انا اسلوبى كدة
كريم : يعنى اية اسلوبك كدة
الراجل : يعنى عايزنى اكلم اللى زيك ازاى يعنى
كريم
:
"خلع النظارة السوداء وسوب الحمل ".... انت متخلف يا راجل انت اشكال اية وتكلم اللى زينا يعنى اية اللى زيينا دى
( انا بهدى الجو وشوية اقول براحة ياكريم واهدى ياعم ... بس وش اهله بيقولى هزقنى
انا : لو سمحت اتكلم بأسلوب احسن من كدة
الراجل: انتو مينفعش يتكلم معاكوا غير كدة
انا :
يانهار ابوك اسود انت يا عم مضرب على قفاك فى بيتكم فى بيتكم وجاي تطلعهم علينا هنا
( راح كريم رمى التذاكر فى وشه وقاله مش عايزين من وشك حاجة ورجعلنا الفلوس
الراجل: مالكوش حاجة عندى ومافيش فلوس هترجع ... (كان فى واحدة معاه فى الاوضة جوة .. وطت عشان تجيب التذاكر من الارض راح قالها... لا سبيهم فى الارض ومتجبيش حاجة ومافيش تذاكر ولا فلوس عشان يبقوا يئلو ادبهم كويس
" يا نهارك مدوحس زى وشك "
"طب بزمتكم واحد زى ده اعمل معاه اية غير انى اجيب مطوى والعب فى وشه اكس او
كريم: نديلى المدير
البنت : مافيش مدير
انا
كلمته بأدب عشان صباعى تحت درسه الجزمة ...التذاكر والفلوس معاه)
.. يعنى انا مش فاهم احنا كلمناك ازاى يعنى عشان تتكلم بالاسلوب دة
الراجل: خلا ص خلصنا
( انا ازممكوا مش ده اروح فيه فى داهية احسن .. واهو اكسب فيه سواب )
لقيت كريم فضل ساكت ... يعنى سكت يا هيرو بعد مار ميت التذاكر والفلوس معاه
راح كريم مدخل ايديه جوة شباك التذاكر وراح ساحب دفتر التذاكر اللى قدامه وقالهم : ورونى بقى الفلوس مش هترجع ازاى
وبكل ادب البنت قلتله: خلاص يا استاذ هنغيرلكوا الاماكن
كريم: لالالالا مش هندخل المخروبة دى الفلوس يا اما اشربو حق الصالة بقى ... وابقى خلى الباشا ده قاعد كدة على شباكها لحد انشاءالله ما هتقلبوا السنيما دى عربية بطاطا
( رجعلنا الفلوس زى .. .زى طفل الكى جى 1
)

اللى خلانى اندهش طب لية فرق المعاملة الرهيب دة .... يعنى احنا برة بلدنا مواطنين درجة تانية .. ودة حقهم ... وهما مواطنين درجة اولى
وكمان جوة بلدنا مواطنين درة تانية .... وهما مواطنين درجة اولى لالالالالالا بقى
وعلى رائى مثلنا الجميل فى فيلمنا الجليل( سيد العاطفى) ( سينا .. من سونيا هى هتفرق)

مغير اسم الست بتاعة التزاكر بواحد راجل واسم سوزى وسماح ودعاء يتمرمغ فى الوحل ويبقى كريم ومعرفش اييييييييييييييه حد يجبلى سبغة يوت اطر على قلبى يا لهوىىىىىىىى
[/size]